News
Լրահոս
News
Շաբաթ
Հոկտեմբեր 01
USD
405.65
EUR
396.08
RUB
7.57
Տեսնել լրահոսը

ԽՍՀՄ արտաքին ակտիվների նկատմամբ Ռուսաստանի իրավունքներն անվիճելի են, դրանք վերանայելու փորձերն իրավական հիմք չունեն։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Միացյալ Թագավորությունում Ուկրաինայի դեսպան Վադիմ Պրիստայկոյի կողմից հնչեցված հայտարարությունն այն մասին, որ Ռուսաստանի Դաշնությունը «նախկին ԽՍՀՄ օտարերկրյա ունեցվածքի մեկ երրորդը պետք է վերադարձնի Ուկրաինային»։

«Մեծ Բրիտանիայում Ուկրաինայի դեսպան Վադիմ Պրիստայկոյի հայտարարությունը պոպուլիստական ​​է եւ չունի որեւէ հիմք։ ԽՍՀՄ արտաքին ակտիվների նկատմամբ մեր իրավունքներն անվիճելի են, դրանք վերանայելու փորձերն իրավական հիմք չունեն։

Ռուսաստանը ԽՍՀՄ իրավահաջորդ պետությունն է, այդ կարգավիճակը ճանաչված է միջազգային հանրության կողմից, ինչպես նաեւ հաստատված է Արդարադատության միջազգային դատարանի կողմից։

Միջազգային իրավունքի տեսանկյունից 1991-ի աշխարհաքաղաքական վերափոխումները ԽՍՀՄ-ի՝ որպես միջազգային իրավունքի սուբյեկտի վերացմանը չհանգեցրին։ «ԽՍՀՄ» անվամբ պետությունը չի դադարեցրել, այլ շարունակել է իր միջազգային իրավասուբյեկտությունը «Ռուսաստանի Դաշնություն» անվան տակ։ Միջազգային իրավունքում այս տեսակի երեւույթները նշելու համար օգտագործվում է «շարունակություն» հասկացությունը։ Այդպես, Ռուսաստանի Դաշնությունը ԽՍՀՄ իրավահաջորդն է։ Ռուսաստանը, որպես իրավահաջորդ, ստանձնել է ԽՍՀՄ արտաքին պետական ​​պարտքը վճարելու պարտավորություններ։ Այդ կարգավիճակի հիման վրա Ռուսաստանն իրականացնում է ԽՍՀՄ օտարերկրյա սեփականության նկատմամբ սեփականության իրավունքը։ Տարօրինակ է, որ ուկրաինացի դիվանագետները, փորձելով ինչ-որ սեփականության իրավունքի հավակնել, չեն հիշում ԽՍՀՄ-ի գոյություն ունեցող պարտքը, որը Ռուսաստանը վճարել է առանց Ուկրաինայի եւ խորհրդային այլ հանրապետությունների օգնության։ Մենք այս հարցը վերջնականապես կարգավորված ենք համարում, խորհրդային օտարերկրյա անշարժ գույքի՝ Ռուսաստանի Դաշնության վրա վերագրանցման արդյունքները վերանայման ենթակա չեն։

!
Այս նյութը հասանելի է նաև   English and Русский
Տպել
Ամենաշատ