Աֆրիկայի ամենաբարձր գագաթը կունենա արագ ինտերնետ։ Կիլիմանջարո լեռը մագլցող լեռնագնացներն այժմ կարող են Instagram-ում իրական ժամանակով հրապարակումներ թողնել իրենց վերելքերից՝ հետեւելով Տանզանիայի իշխանությունների՝ լեռան լանջերին գերարագ ինտերնետ տեղադրելու որոշմանը, հայտնում է CNN-ը։
Կիլիմանջարո լեռը գտնվում է Տանզանիայի հյուսիսում եւ Աֆրիկայի ամենաբարձր գագաթն է՝ գրեթե 5900 մետր բարձրությամբ։
Ի լրումն իրական ժամանակում սոցցանցեր վերբեռնելու հաճույքի, փորձագետները պարզել են, որ ինտերնետ կապն օգտակար է լեռնագնացների իրազեկվածության բարձրացման համար:
Աշխարհի ամենաբարձր լեռան՝ Էվերեստի լեռնագնացներն արդեն ունեն Wi-Fi ծառայություն բազային ճամբարում: