Սլովենիայի նախագահ Բորուտ Պահորը երկուշաբթի օրը հայտարարել է, որ Արեւմտյան Բալկանների երկրները «անկայունության վտանգի տակ են Ուկրաինայում պատերազմի պատճառով», եւ կոչ է արել Բոսնիային շուտափույթ մուտք գործել Եվրամիություն ու ՆԱՏՕ-ի դաշինք, հաղորդում է Reuters-ը։
Պահորը ֆորումում ասել է, որ Բրյուսելը պետք է կոնսենսուսի հասնի Արեւմտյան Բալկանների ինտեգրման հարցում եւ համոզի Սերբիային ընտրել ԵՄ ուղին՝ Չինաստանի եւ Ռուսաստանի հետ դաշինքի փոխարեն, ինչը, ըստ նրա, օգուտ կբերի Բոսնիային եւ Կոսովոյին:
«Մենք չենք ցանկանում նոր «երկաթե վարագույր» Եվրոպայում»,- Բլեդում (Սլովենիա) ռազմավարական ֆորումի ժամանակ ասել է Սլովենիայի արտաքին գործերի նախարար Տանյա Ֆայոնը՝ նշելով, որ «Եվրոպայի միավորման տասնամյակներ տեւած գործընթացը կանգնեցվել է Ուկրաինայի հակամարտությամբ, իսկ շատ եվրոպական երկրներ ի վիճակի չեն հաղթահարել ճգնաժամի հետեւանքները»։
