Կոնվերս Բանկը վերանայել է Converse Blitz վարկատեսակի պայմանները՝ փոքր և միջին ձեռնարկությունների ֆինանսավորման առավելագույն շեմ սահմանելով 50 մլն ՀՀ դրամը կամ համարժեք արտարժույթը՝ ԱՄՆ դոլար, Եվրո: Վարկավորման առավելագույն ժամկետը 60 ամիս է:
Վարկավորման կարող են դիմել տնտեսության տարբեր ոլորտներում գործող փոքր և միջին ձեռնարկությունները, եթե պետական գրանցում են ստացել առնվազն երեք ամիս առաջ:
Ֆինանսավորում տրամադրվում է շրջանառու միջոցների համալրման, հիմնական միջոցների ձեռքբերման և կրեդիտորական պարտքի մարման նպատակով՝ առանց ֆինանսական վերլուծության իրականացման, ինչի շնորհիվ նվազում է վարկավորման համար պահանջվող ժամանակահատվածը:
Հայտի ուսումնասիրման վճար ևս նախատեսված չէ:
Այլ մանրամասներ, հեռախոսահամար՝ 011-511-211
Բանկը վերահսկվում է ԿԲ կողմից:
