ԵՏՀ-ում կարելի է լրացուցիչ փորձ ձեռք բերել։ Ներկա պահին հանձնաժողովը 25 ուղղություն ունի (դեպարտամենտների թվով), եւ յուրաքանչյուրում կարելի է այս կամ այն ստաժավորումն անցնել։ Այս մասին «ԱՊՀ-ի եւ ԵՏՄ-ի Երիտասարդական համաժողովի արդյունքները. ի՞նչ նախաձեռնություններ են իրականացվելու» Մոսկվա-Բիշքեկ-Երեւան-Մինսկ տեսակամրջի շրջանակում սեպտեմբերի 2-ին ասել է Եվրասիական տնտեսական հանձնաժողովի՝ Եվրասիական տնտեսական համաժողովի կազմակերպման եւ անցկացման օպերատիվ շտաբի ղեկավար, ԵՏՀ-ի Ընթացակարգի եւ կազմակերպչական ապահովման դեպարտամենտի տնօրեն Դանիյար Տուրուսբեկովը։
Նրա խոսքով՝ այժմ այնպիսի աշխատանքներ են կատարվում, որպեսզի ԵՏՄ-ի անդամ երկրների ցանկացած պետծառայող, ԵՏՀ-ի շրջանակում, կարողանա փորձառություն ստանալ վերազգային մարմնում։
«Երիտասարդ պետծառայողը հնարավորություն կունենա ստաժավորում անցնել վերազգային մարմնում։ Դա թույլ կտա նրան հասկանալ, թե ինչպես է ձեւավորվում առաջարկը, ինչպես են կատարվում համաձայնեցումները, ինչպես է հաշվի առնվում կողմերի կարծիքը, եւ ինչպիսին է Եվրասիական տնտեսական հանձնաժողովի դերն այդ գործընթացում։ Այնուհետեւ նա կկարողանա վերադառնալ իր երկիր եւ կուտակած փորձը նեկայացնել գործընկերներին»,- նշել է Տուրուսբեկովը։
Նա նաեւ ավելացրել է, որ մի առանձին ուղղություն կնվիրվի երիտասարդ լրագրողների եւ փորձագետների ստաժավորմանը։
