Սեպտեմբերի 13-ին Ադրբեջանի սանձազերծած հարձակման հետեւանքվ Գեղարքունիքի մարզի Վարդենիս խոշորացված համայնքից վնասներ է կրել 10 գյուղ: Այս մասին այսօր՝ սեպտեմբերի 19-ին, NEWS.am-ի հետ զրույցում ասաց Վարդենիսի փոխհամայնքապետ Կարեն Մկրտչյանը:
«Տուժել են Սոթք, Կութ, Նորաբակ, Կուտական, Տրետուք, Ազատ, Վերին Շորժա, Ներքին Շորժա, Կախակն, Ախպրաձոր գյուղերը: Վնասները տարատեսակ են: Երկու օրից կավարտվեն վնասի գնահատման աշխատանքները, այդ ժամանակ էլ հնարավոր կլինի մանրամասն ներկայացնել տվյալները»,- նշեց Մկրտչյանը:
Փոխհամայնքապետի խոսքով՝ մարտական գործողությունների ընթացքում նշված համայնքներից դուրս եկած քաղաքացիների որոշ մասը վերադարձել են իրենց բնակավայրերը: