Խանտի Մանսիյսկի ինքնավար օկրուգում ավարտվել է քրեական հետաքննությունը տեղի 30-ամյա բնակչի նկատմամբ, ով մեղադրվում է չաթում ազգությամբ ռուս ներկայացուցիչներին վիրավորելու մեջ։ Այս մասին հայտնում են Քննչական կոմիտեի մարզային վարչության լրատվական ծառայությունից։
Միջադեպը տեղի է ունեցել Սուրգուտում։ Խոսքը ծագմամբ ադրբեջանցի Ռայ Մամեդովայի մասին է։ Նա վիճաբանություն էր սկսել շենքի բնակիչների չաթում այն բանից հետո, երբ նրանցից մեկը տեսանյութ էր նկարահանել բակում խուլիգանություն կատարած երեխաների հետ։ Կինը ճանաչել էր իր երեխային, եւ նրան դուր չէր եկել, որ տղամարդն իրեն խորհուրդներ էր տալիս դաստիարակության վերաբերյալ։ Նա սկսել էր սպառնալ հարեւանին եւ վիրավորել նրան` կենտրոնանալով վերջինիս ազգային պատկանելության վրա:
Նրա նկատմամաբ քրեական գործ է հարուցվել «Ատելություն կամ թշնամանք հրահրելու, ինչպես նաեւ ազգային պատկանելության հողի վրա մարդու արժանապատվությունը նվաստացնելու» հոդվածով։ Կինն իրեն մեղավոր է ճանաչել եւ զղջացել իր արարքի համար։
Նյութերն ուղարկվել են դատարան, քննություն է ընթանում։
