Իսրայելի վարչապետ Յայիր Լապիդը երկու պետությունների սկզբունքների հիման վրա իսրայելա-պաղեստինյան հակամարտության կարգավորման կոչ է արել, հաղորդում է Reuters-ը։
«Պաղեստինցիների հետ համաձայնությունը, որը հիմնված է երկու պետությունների սկզունքների վրա, ճիշտ որոշում է Իսրայելի անվտանգության, տնտեսության եւ մեր երեխաների ապագայի համար։ Ցանկացած համաձայնություն կախված կլինի խաղաղ պաղեստինյան պետությունից, որը չի սպառնա Իսրայելին»,-ասել է նա։
Լապիդը հերթական անգամ քննադատել է Իրանին եւ հայտնել թշնամու կողմից միջուկային զենք ձեռք բերելը թույլ չտալու Իսրայելի վճռականության մասին։