News
Լրահոս
News
Շաբաթ
Նոյեմբեր 26
USD
395.53
EUR
393.43
RUB
6.42
Տեսնել լրահոսը

Նիդեռլանդների կառավարությունն ակնկալում է մոտ 23,5 միլիարդ եվրո ծախսել էներգետիկ պայմանագրերի գնային սահմանափակման վրա՝ սպառողներին գների աճից պաշտպանելու համար, հայտնում է Reuters-ը։

Կառավարությունն անցյալ ամիս հայտարարել է, որ կսահմանափակի գները, բայց դեռ չի համաձայնեցրել վերջնական մանրամասները:

2023 թվականի ընթացքում գները կսահմանափակվեն 0,40 եվրոյի մակարդակում՝ մեկ կվտ/ժ էլեկտրաէներգիայի համար եւ 1,45 եվրոյի մակարդակում՝ մեկ խորանարդ մետր գազի համար, համապատասխանաբար, առավելագույնը 2900 կվտ/ժ եւ 1200 խորանարդ մետրի համար:

Կառավարությունը հայտնել է, որ տնային տնտեսությունները նաեւ կստանան միջինը 190 եվրո էլեկտրաէներգիայի փոխհատուցում 2022 թվականի վերջին երկու ամիսների համար։

Այս միջոցառումներն ավելացնում են հաջորդ տարի մոտ 18 միլիարդ եվրո ծախսելու պլանները, որպեսզի օգնեն բնակիչներին հաղթահարել բարձր գնաճը, հատկապես նրանց, ովքեր ավելի ցածր աշխատավարձ են ստանում:

Նիդեռլանդներում ինֆլյացիան սեպտեմբերին աճել է մինչեւ 17,1 տոկոսով, ինչն ամենաբարձր ցուցանիշն է վերջին տասնամյակների ընթացքում եւ պայմանավորված է էներգակիրների գների աճով:

!
Այս նյութը հասանելի է նաև   English and Русский
Տպել
Ամենաշատ