Չինաստանում «կտրուկ եւ ոչ բնորոշ» տնտեսական անկումը կարգելակի աճն Ասիայում մինչեւ հաջորդ տարվա վերջ՝ մթագնելով առանց այդ էլ մութ գլոբալ հեռանկարները, նախազգուշացրել է ԱՄՀ-ն։

Համաշխարհային տնտեսական հեռանկարներն այս տարի վատացել են, քանի որ երկրները բախվել են կյանքի ավելի բարձր արժեքի, ավելի կոշտ ֆինանսական պայմանների եւ անորոշության խորացման Ուկրաինայում պատերազմից հետո, տեղեկացրել է AFP-ը։

Ասիան մնացել է «համեմատաբար վառ միակ կետը» Երկիր մոլորակի մյուս հատվածների համեմատ, նշվել է ԱՄՀ-ի «Տարածաշրջանային տնտեսության հեռանկարներ» փաստաթղթում։ Բայց աճն այս տարածաշրջանում բախվում է խոչընդոտների չինական տնտեսության պատճառով, որը ծանրացել է «զրոյական» Covid-ի եւ անշարժ գույքի հատվածի ճգնաժամի պատճառով, ասել են ԱՄՀ-ում։

Մինչ այդ, այս ամսվա ընթացքում, ԱՄՀ-ն իջեցրել էր 3,2 տոկոսի աճի իր կանխատեսումը Չինաստանի համար 2022թ., ինչը ամենափոքր աճն է աշխարհի մեծությամբ երկրորդ տնտեսությունում չորս տասնամյակների ընթացքում, չհաշված համավարակի առաջին տարին։

Նոր հաշվետվությունում Ասիայի աճի կանխատեսումն այս տարի իջեցվել է չորս կետով, ինչը 0,9 տոկոսային կետով ցածր է ապրիլի նախորդ կանխատեսումից։

ԱՄՀ-ն սպասում է 4,4 տոկոս աճ Չինաստանում, իսկ Ասիայում՝ 4,3 տոկոս աճ եկող տարի, ինչն ավելի հաճախ «շատ ավելի ցածր է» միջին ցուցանիշից՝ մոտ 5,5 տոկոս վերջին երկու տասնամյակում։

ԱՄՀ-ի գնահատականներով՝ Չինաստանում աճի «լայնածավալ» դանդաղումը «լուրջ հետեւանքներ կունենա Ասիայի մնացած մասի համար՝ առեւտրային եւ ֆինանսական կապերի միջոցով»։

Նշվել է, որ տարածաշրջանը կարող է բախվել նաեւ «մշտական» այլ խոչընդոտների (գլոբալ դրամավարկային քաղաքականության խստացում եւ պատերազմ Ուկրաինայում), ինչը հանգեցրել է հումքի գների կտրուկ աճի։

«Ասիայի տնտեսության ուժեղ վերականգնումն այս տարվա սկզբին կորցնում է ազդակը, քանի որ երկրորդ եռամսյակում այն ավելի թույլ էր, քան սպասվում էր»,- ասել է ԱՄՀ-ի Ասիայի եւ Խաղաղ օվկիանոսի դեպարտամենտի տնօրեն Քրիշնա Շրինիվասանը։

Նրա խոսքով՝ շատ երկրներ պետք է միջոցներ ձեռնարկեն, որպեսզի իջեցնեն կորպորատիվ պարտքը եւ մարդկային կապիտալի կորուստները։ Աճի անբավարարությունը «կարելի է բացատրել համավարակից հետո ներդրումների ավելի ցածր մակարդակով»։

Նա նախազգուշացրել է, որ աշխարհաքաղաքական լարվածությամբ եւ առեւտրային քաղաքականության անորոշությամբ պայմանավորված տնտեսական հատվածայնացումը «զգալի ռիսկ է տարածաշրջանի համար» եւ կարող է «անբարենպաստ մակրոտնտեսական հետեւանքներ ունենալ կարճաժամկետ հեռանկարում»։

Չինաստանը վերջին խոշոր տնտեսությունն է, որը հավատարիմ է զրոյական Covid-ի քաղաքականությանը, որը ներառում է անսպասելի արգելափակումներ, պարտադիր թեստավորում եւ երկարատեւ կարանտիններ, որպեսզի ճնշվի ցանկացած բռնկում։

Ճապոնական Nomura բանկի գնահատմամբ՝ մոտ 208 մլն մարդ երկրում վիրուսի պատճառով այս կամ այն սահմանափակման մեջ է գտնվում։