2022 թվականի փետրվարի վերջից ԱՄՆ-ն արդեն 202 հրետանային համակարգ է մատակարարել Ուկրաինային։ Այս մասին են վկայում Պենտագոնի բաց տվյալները։

Բացի այդ, ուկրաինական բանակը ամերիկյան կողմից ստացել է ավելի քան 1 միլիոն հրետանային արկ, 63 հազար շարժական հրթիռային համակարգ՝ զրահապատ թիրախները ոչնչացնելու համար, 1,4 հազար շարժական զենիթահրթիռային համակարգ, 15 ուղղաթիռ, 46 ռադար, 10,2 հազար ինքնաձիգ եւ ատրճանակ, մոտ 68,2 մլն հրաձգային զենքի փամփուշտ եւ 26 պարեկային նավակ։