Ռուսաստանը վերսկսել է մասնակցությունը նավերի ստուգմանը «սեւծովյան հացահատիկային նախաձեռնության» շրջանակում։ Այս մասին ասել է համատեղ համակարգող կենտրոնում ՄԱԿ-ի ներկայացուցիչ Իսմինի Պալլան։
Նրա խոսքով՝ այժմ ավելի քան 120 նավ սպասում են տեղաշարժի թույլտվության, հաղորդում է ՌԻԱ Նովոստին։
«Այսօր Ռուսաստանի Դաշնության պատվիրակությունը վերսկսել է աշխատանքը եւ միացել է նավերի ստուգումներին»,-հայտնել է նա։
Նա հավելել է, որ ծովային հումանիտար միջանցքով Ուկրաինայից շարժվում է յոթ նավ, որոնք տեղափոխում են ընդհանուր առմամբ 290 102 տոննա հացահատիկ եւ պարեն:
