Մեծ Բրիտանիայի նախկին վարչապետ Բորիս Ջոնսոնին 276 հազար ֆունտ ստեռլինգ են վճարել՝ ԱՄՆ ապահովագրողների հետ խոսելու համար Դաունինգ Սթրիթից ընդամենը մեկ ամիս անց, հայտնում է PA Media-ն։
Ջոնսոնը հոկտեմբերին Ապահովագրական գործակալների եւ բրոքերների խորհրդի (CIAB) կողմից կազմակերպված կոնֆերանսի ժամանակ՝ հանդես է եկել 30 րոպեանոց ելույթով եւ 45 րոպեանոց զրույց ունեցել, Կոլորադո Սփրինգսում տեղի ունեցած միջոցառման ժամանակ:
Զեկույցներում ասվում է, որ ելույթի համար նրան վճարել են մոտ 150 հազար ամերիկյան դոլար, սակայն ռեգիստրի տվյալներով ամբողջական վճարումը կազմել է 276,130 ֆունտ:
Ջոնսոնի գրանցամատյանում նշվում է, որ նա եւ երկու աշխատակիցները վարձատրվել են տրանսպորտի եւ կեցության համար: Նշվում է, որ գումարը ստացվել է ութ ժամ 30 րոպե աշխատանքի դիմաց, այդպիսով նրա ժամավճարը կազմել է գրեթե 32500 ֆունտ ստեռլինգ։