Շաբաթ օրը Աստանայում մեկնարկել է նոյեմբերի 20-ին կայացած արտահերթ նախագահական ընտրություններում հաղթած Ղազախստանի նախագահ Կասիմ-Ժոմարտ Տոկաեւի երդմնակալության պաշտոնական արարողությունը։

Անկախության պալատում Տոկաեւը երդում է տվել երկրի ժողովրդին եւ պաշտոնապես ստանձնել է պետության ղեկավարի պաշտոնը։ 

Դրանից հետո հնչել է Ղազախստանի օրհներգը։ Հանրապետության Կենտրոնական ընտրական հանձնաժողովի ղեկավար Նուրլան Աբդիրովը Տոկաեւին է հանձնել Ղազախստանի նախագահի վկայականը։