«Մեկ կանգառ, մեկ պատուհան» ՀՀ արտաքին առևտրի հարթակի և պետական կառավարման մարմինների միջև «փոխգործելիության» հարթակի ներդրման, ինչպես նաև ծրագրային լուծման նպատակով իրականացվում է «Միասնական հայտ» համակարգի ներդրումը, որի արդյունքում նախատեսվում է լիցենզիաների, թույլտվությունների ստացման հայտերը, ինչպես նաև դրանց ուղեկցող փաստաթղթերը լրացնել և ներբեռնել էլեկտրոնային եղանակով. ասել է էկոնոմիկայի նախարարի տեղակալ Արմեն Արզումանյանը՝ առաջին ընթերցմամբ քննարկման ներկայացնելով ««Գործունեության իրականացման ծանուցման մասին» օրենքում փոփոխություն կատարելու մասին» օրենքի նախագիծը: Այս մասին NEWS.am-ը տեղեկանում է ԱԺ պաշտոնական կայքից:
Ըստ էկոնոմիկայի փոխնախարարի՝ ծանուցման ենթակա գործունեություն իրականացնող անձանց հնարավորություն է տրվում իրազեկումը կամ անհրաժեշտ փաստաթղթերի ուղարկումն իրականացնել նաև համացանցային կայքէջում հասանելի «Թույլատվական փաստաթղթեր» համակարգի միջոցով:
Նշվել է նաև, որ օրենքի նախագծի մշակման անհրաժեշտությունը պայմանավորված է 2014 թ. դեկտեմբերի Կառավարության և 2019 թ. հոկտեմբերի ՀՀ վարչապետի որոշումների կետերը կատարելու պահանջով:
Արմեն Արզումանյանը փաստել է, որ մեր քաղաքացիները դյուրին կերպով կստանան գործունեության իրականացման ծանուցման հետ կապված բոլոր փաստաթղթերը:
Հանձնաժողովականներն օրինագծին տվել են դրական եզրակացություն:
Հարցը քննարկվել է ԱԺ տնտեսական հարցերի մշտական հանձնաժողովի այսօրվա հերթական նիստում:
