«Վեոլիա Ջուր» ընկերության կողմից ստանձնած պարտավորությունների խախտման համար հարուցվում են վարչական գործեր: Այս մասին այսօր՝ դեկտեմբերի 1-ին, լրագրողների հետ զրույցում ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը։

Նա հավելեց, որ նախատեսված են տուգանքներ, եւ դրանք կիրառվում են։ Պաշտոնյան պարզաբանեց, որ տուգանքները վճարվում են պետբյուջե եւ չեն ազդում գնագոյացման վրա։ Բաղրամյանը հավելեց, որ սպասարկման որակի չափանիշները ներառված չեն ջրի սակագնի ձեւավորման մեջ։ Նա վստահեցրեց, որ համապատասխան գերատեսչությունները մշտապես ստուգումներ են իրականացնում։ 

Հիշեցնենք, որ Հայաստանում հունվարի 1-ից ջրի սակագինը կբարձրանա 8,5 դրամով՝ 200 դրամից դառնալով 208,415 դրամ։