Համաձայն եմ, որ տարածաշրջանում խաղաղությունը պետք է լինի վերջնանպատակ եւ Հայաստանի ռազմավարությունը պահանջում է ավելի շատ հավասարակշռում Արեւմուտքի եւ Ռուսաստանի միջեւ։ Այս մասին NEWS.am-ի թղթակցի հետ զրույցում ասաց Հարավային Կոնեկտիկուտի համալսարանի փիլիսոփայության պրոֆեսոր, Ցեղասպանության հետազոտողների ասոցիացիայի առաջին փոխնախագահ Արմեն Մարսուբյանը։
Նա, որպես ԱՄՆ-ի քաղաքացի, ցանկանում է, որ ԱՄՆ կառավարությունն ավելի ակտիվ մասնակցություն ունենա Հարավային Կովկասում տեղի ունեցող գործընթացներին։ «Ես գիտեմ, որ Նենսի Փելոսին եղել է Հայաստանում։ Բայց անհրաժեշտ է, որ Պետդեպարտամենտն ավելի ակտիվ ներգրավվի այս հակամարտության մեջ եւ ավելի շատ ճնշում գործադրի Թուրքիայի վրա: Վերջերս ԱՄՆ-ն Կոնգրեսում ընդունեց պաշտպանական բյուջեի մասին փաստաթուղթ, կային Թուրքիայի եւ Ադրբեջանի վրա ճնշում գործադրելու կոնկրետ գործիքներ, որոնք տեղ չգտան փաստաթղթում, եւ ես սա անբարոյական եմ համարում»,- հավելեց փորձագետը։
Արամ Դանիելյան