Գերմանիան հունվարի 1-ից կգլխավորի ՆԱՏՕ-ի 11500-անոց բարձր պատրաստականության միացյալ աշխատանքային խումբը, որը Դաշինքի արագ արձագանքման ուժերի կազմում է։ Այս մասին չորեքշաբթի հայտնել է ՆԱՏՕ-ի մամուլի ծառայությունը։

Կիրակի օրը (2023 թվականի հունվարի 1-ին) Գերմանիան կստանձնի ՆԱՏՕ-ի ամենաբարձր պատրաստականության ստորաբաժանման հրամանատարությունը՝ իր հազարավոր զինվորականներին մի քանի օրերի ընթացքում պատրաստականության ռեժիմի անցկացնելու համար»,- ասվում է հաղորդագրության մեջ:

ՆԱՏՕ-ի կենտրոնական գրասենյակը հիշեցրել է, որ բարձր պատրաստականության խմբավորումը 2014 թվականին ստեղծվել է որպես ՆԱՏՕ-ի արագ արձագանքման ուժերի մաս՝ ի պատասխան Ռուսաստանին Ղրիմի վերամիավորման եւ Ուկրաինայի արեւելքում ռազմական գործողությունների մեկնարկի: Ի պատասխան Ուկրաինայում ռուսական ռազմական գործողության՝ ՆԱՏՕ-ն «2022 թվականի փետրվարին Ռումինիայում բարձր պատրաստության խմբի առանձին ստորաբաժանումներ է տեղակայել»։

ՆԱՏՕ-ի պաշտոնական ներկայացուցիչ Օանա Լունգեսկուն ասել է, որ ՆԱՏՕ-ի քայլը նշանակում է «իր տարածքի յուրաքանչյուր թիզը պաշտպանելու» մտադրություն։

ՆԱՏՕ-ի բարձր պատրաստվածության միացյալ օպերատիվ խումբը ձեւավորվում է ռոտացիոն հիմունքներով՝ դաշինքի երկրների հատուկ այդ նպատակով մեկ տարով հատկացված ստորաբաժանումներից: 2023 թվականին այդ ուժերի հիմքը կլինի 37-րդ գերմանական տանկային-գրանադային բրիգադը։ Բացի Գերմանիայից, այս խմբին իրենց զինուժն են հատկացնում դաշինքի ութ պետություններ՝ Բելգիան, Լատվիան, Լիտվան, Լյուքսեմբուրգը, Նիդեռլանդները, Նորվեգիան, Սլովենիան եւ Չեխիան։