ԱՄԷ-ում հորդառատ անձրեւները ջրհեղեղների պատճառ են դարձել երկրի որոշ հատվածներում։ Իշխանությունները զգուշացնում են, որ անկայուն եղանակը կպահպանվի գրեթե մինչեւ հաջորդ շաբաթվա վերջը։

Սոցցանցերում հրապարակված տեսանյութերում երեւում է, թե ինչպես են մեքենաները շարժվում հեղեղված ճանապարհներով:

Դուբայում՝ Շեյխ Զայեդ ճանապարհին ջրհեղեղը ծածկել է 12 գոտի ունեցող մայրուղու որոշ հատվածներ։ Ողջ երկրում ոստիկանությունը վարորդներին կոչ է արել զգույշ լինել։

Հունվարն ու փետրվարը Էմիրություններում ամենաանձրեւոտ ամիսներն են: