Սերբիայի իշխանությունները Թուրքիային խնդրում են ազդել Կոսովոյի վրա՝ Բելգրադի հետ ավելի վաղ ձեռք բերված համաձայնությունները կատարելու համար։ Այս մասին հայտարարել է Սերբիայի առաջին փոխվարչապետ եւ ԱԳ նախարար Իվիցա Դաչիչը, հաղորդում է «ՌԻԱ նովոստին»։
Դաչիչն աշխատանքային այցով գտնվում է Անկարայում, որտեղ հինգշաբթի հանդիպում է ունեցել իր թուրք գործընկեր Մեւլյութ Չավուշօղլուի հետ:
«Մենք կցանկանայինք եւ ցանկանում ենք, որ Թուրքիան մեր տարածաշրջանում խաղաղության եւ կայունության կարեւոր գործոն լինի։ Մեր խնդրանքն այն է, որ Թուրքիան օգտագործի իր ազդեցությունը, երբ խոսքը վերաբերում է Պրիշտինային, որպեսզի կառուցողական մոտեցում լինի Պրիշտինայի կողմից, երբ խոսքը վերաբերում է Բրյուսելյան համաձայնագրի, նախկինում ձեռք բերված պայմանավորվածությունների կիրառմանը, որպեսզի մենք կարողանանք խոսել ինչ-որ քաղաքական որոշումների մասին»,-ասել է Դաչիչը համատեղ մամուլի ասուլիսում։
