Չեմ ուզի խոսքս ուղղեմ այդ վիժվածքին, խոսքս կուղղեմ ռազմական ոստիկանությանը եւ մնացած ոստիկանական ուժերին, ես կարծում եմ, որ դրանք Աննայի անձնական օգտագործման տակդիրներն են: Այս մասին, այսօր՝ հունվարի 28-ին «Եռաբլուր» պանթեոնում NEWS.am-ի հետ զրույցում նշեց 44-օրյա պատերազմում զոհված Մխիթար Գալեյանի հայրը՝ Գարիկ Գալեյանը:
«Ռազմական ոստիկանությունն ի՞նչ գործ ունի այստեղ, եթե նրանք եկել են անողնաշարի պես փորձում են պաշտպանել մի մարդու, որը բանակը քանդում է: 15 օր առաջ երկրի գերագույն տականքը իր տականքների ոհմակով, սուտ հայտարարեց, որ բենզինից պաժառ են ընկել, վառվել են այդ տղաները: Ու ես զարմանում եմ, որ էս ոստիկանները, էս անբարոյի զավակները եկել են հիմ ա այստեղ: Սրանք Աննայի անձնական օգտագործման տրյապկեքն են: Ոստիկան չկա մեր երկրում, բոլորը Նիկոլի ու Աննայի անձնական օգտագործման տրյապկեքն են: Իրիկունն էլ գնում են իրենց տները տրյապկի պես, իրենք կնանիքն էլ ասում են՝ վրներիցդ շան հոտ ա գալիս»,-ասաց նա:
Ավելի վաղ NEWS.am-ը հայտնել էր, որ «Եռաբլուր» զինվորական պանթեոնում, այսօր՝ հունվարի 28-ի առավոտյան, առավոտյան 6-ից ոստիկանությունն աննախադեպ թվով ուժեր է կենտրոնացրել՝ վարչապետ Նիկոլ Փաշինյանի այցին ընդառաջ: «Եռաբլուրից» NEWS.am-ի թղթակիցը հաղորդում է, որ ամբողջ տարածքը խիստ հսկողության տակ է: Այստեղ են նաեւ մեծ թվով սեւ եւ կարմիր բերետավորներ:
Քիչ անց պանթեոնում կմեկնարկի բանակի օրվան նվիրված միջոցառումը, որը լրագրողների համար փակ է: Տարածքում թույլ չեն տալիս լրատվամիջոցներին աշխատել:
Նշենք, որ այստեղ են նաեւ զոհված զինծառայողների ծնողները, որոնք կանգնած են իրենց որդիների շիրիմների մոտ: Նրանք փորձելու են թույլ չտալ, որ պաշտոնյաները մոտենան իրենց որդիների շիրիմներին:
