ՆԱՏՕ-ի գլխավոր քարտուղար Յենս Սթոլթենբերգը երկուշաբթի Հարավային Կորեային կոչ է արել ուղղակի ռազմական աջակցություն ցուցաբերել Ուկրաինային՝ ասելով, որ «Կիեւը զենքի խիստ կարիք ունի՝ ռուսական երկարատեւ ներխուժման դեմ պայքարելու համար», հաղորդում է AP-ն։

Հարավային Կորեան ներկայումս հումանիտար եւ այլ օգնություն է ցուցաբերում Ուկրաինային՝ միանալով Ռուսաստանի դեմ ԱՄՆ-ի գլխավորած տնտեսական պատժամիջոցներին։ Սակայն նա ուղղակիորեն զենք չի մատակարարել Ուկրաինային՝ վկայակոչելով հակամարտությանը ներգրավված երկրներին զենք չմատակարարելու իր քաղաքականությունը։

Սեուլում հաժամաժողովին ելույթի ժամանակ Սթոլթենբերգը Հարավային Կորեային կոչ էր արել ակտիվանալ ռազմական աջակցության հարցում։ Նա նշել է, որ ՆԱՏՕ-ի մի քանի անդամներ, այդ թվում Գերմանիան, Նորվեգիան եւ Շվեդիան փոխել են հակամարտությանը ներգրավված երկրներ զենք չարտահանելու իրենց քաղաքականությունը՝ Ուկրաինային աջակցելու համար։

«Եթե մենք հավատում ենք ազատությանը, եթե մենք հավատում են ժողովրդավարությանը, եթե մենք չենք ուզում, որպեսզի ինքնակալությունն ու բռնապետությունը հաղթեն, ապա նրանց զենք է պետք։ Այսպիսին է իրականությունը»,  -ասել է Սթոլթենբերգը։, ով կիրակի  շրջագայության շրջանակում ժամանել է Հարավային Կորեա։