News
Լրահոս
News
Չորեքշաբթի
Ապրիլ 17
Տեսնել լրահոսը


Օրգանական եւ դեղագործական քիմիայի  գիտատեխնոլոգիական կենտրոնի աշխատակիցներն այսօր՝ փետրվարի 23-ին բողոքի ակցիա են իրականացրել կառավարության շենքի մոտ. նրանք բողոքում են, որ կենտրոնի տարածքում, որն օտարվել է ժամանակին բազմահարկ շենք են ուզում կառուցել:

Օրգանական եւ դեղագործական քիմիայի  գիտատեխնոլոգիական կենտրոնի տնօրեն Սահակ Գասպարյանը լրագրողների հետ զրույցում նշեց. «Մենք դեռ մեկ տարի առաջվանից բողոքում էինք, որ կենտրոնի ջրավազանը 2007-ից ի վեր ապօրինի օտարվել է 5-6 անգամ, իսկ ներկայիս սեփականատերն այնտեղ ուզում է բազմահարկ շենք կառուցել մեր 3 հարկանի շենքերի հենց արանքում, կողքով ջրանցք է հոսում:

Պետությունը չի կարո՞ղ այլ տարածք տրամադրել բազմահարկ շենք կառուցելու համար: ՔԿ-ն պարզել է, որ այդ բոլոր գործարքները կատարվել են կոռուպցիոն բնույթով: 2007-ին այդ տարածքը վաճառվել է 1,2 մլն դրամով: Հիմա դրա արժեքը հասել է 380 մլն դրամի: Հիմա սեփականատերն ասում է՝ ջրանցքը հանեք իմ տարածքից, ես այստեղ շենք եմ կառուցելու:

Դրոշակ են դարձրել, թե ձեզ տանելու ենք Աշտարակ, դուք մի անհանգստացեք: Անհնար է, որ այդտեղ շինարարություն լինի եւ մենք զուգահեռաբար այդտեղ աշխատենք: Եթե կառավարությունը որոշել է մեզ տեղափոխել Աշտարակ, թող այնտեղ կառուցի, մեզ տեղավորի այնտեղ, նորմալ սկսենք աշխատել, որ էստեղ սկսեն շինարարությունը»:

Նրա խոսքով, քաղաքապետարանը թույլտվություն է տվել ջրանցքը տեղափոխելու, բայց իրենց հետ դա չեն համաձայնեցրել. «Առանց մեզ ասելու եկել, դարպասները կոտրել են, մտել են, սկսել են հորատել, պահակների համար տնակ են դրել ու քանդելով գնում են: Թող պետությունը մեզ ասի՝ դուք մեզ պետք չեք, կամ մեր հարցը նորմալ լուծի»:

!
Այս նյութը հասանելի է նաև   Русский
Տպել
Ամենաշատ