Խաղաղության պայմանագրի մեր տարբերակը փոխանցվել է Ադրբեջանին, բայց արձագանք, որպես այդպիսին, դեռ չունենք, որովհետեւ երբ մենք էլ ստանում ենք որոշակի փաստաթուղթ, դրա արձագանքի ձեւավորումը տեւում է որոշակի ժամանակ: Այս մասին, այսօր՝ մարտի 1-ին, ԱԺ-ում կառավարության հետ հարցուպատասխանի ժամանակ նշեց ՀՀ վարչապետ Նիկոլ Փաշինյանը:
«Ենթադրվում է, որ որոշակի ժամանակից հետո ինչ-որ արձագանք կլինի: Այս ընթացքում տեղի է ունեցել խաղաղության պայմանագրի շուրջ աշխատանքի երեք շրջափուլ: Այսինքն նրանք են առաջարկ տվել, մենք ենք անձագանքել եւ այդպես երեք անգամ: Աշխատանքը պետք է շարունակենք: Անկախ առերես հանդիպումներից, փաստաթղթային աշխատանքներ են իրականացվում եւ դրանք միշտ չէ, որ պահանջում են առերես հանդիպում:
Վերջերս օրինակ, մենք ադրբեջանական կողմին ենք փոխանցել սահմանների սահմանագծման հանձնաժողովների աշխատանքի կանոնակարգի նախագիծ: Նաեւ դրա արձագանքին ենք սպասում: Իսկ այն առաջարկները, որ մենք արել ենք նախկինում կոմունիկացիաների բացման վերաբերյալ, սահմանային անվտանգության ապահովման վերաբերյալ, այդ բոլորը շարունակում են մնալ ուժի մեջ»,-ասաց Փաշինյանը:
