Վերջին 24 ժամվա ընթացքում հրադադարի ռեժիմի խախտումներ չեն գրանցվել, ասվում է Լեռնային Ղարաբաղում տեղակայված ռուսական խաղաղապահ զորախմբի այսօրվա տեղեկագրում։
«Երեսուն դիտակետերում ռուս խաղաղապահներն իրականացնում են իրավիճակի շուրջօրյա դիտարկում եւ վերահսկում են հրադադարի ռեժիմի պահպանումը»,- ասվում է հաղորդագրության մեջ։
Պարեկություն է իրականացվել երեք երթուղիներով՝ Մարտակերտի, Մարտունու եւ Շուշիի շրջաններում։
«Ապահովվել է մարդասիրական բեռներով ռուսական խաղաղապահ զորախմբի ավտոշարասյան ուղեկցությունը Գորիս-Ստեփանակերտի երթուղով։
Ասկերանի շրջանում անցկացվել է ցածր եկամուտ ունեցող եւ բազմազավակ ընտանիքներին պարենային փաթեթներ բաժանելու մարդասիրական ակցիա։
Ռուսական խաղաղապահ զորախմբի ինժեներ-սակրավոր խմբերը շարունակում են օբյեկտների եւ տեղանքի ականազերծումը։ Օրվա ընթացքում մաքրվել է 0.6 հա տարածք...
Ռուս խաղաղապահների անվտանգությունն ապահովելու եւ հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի եւ Հայաստանի զինված ուժերի գլխավոր շտաբների հետ»,- նշվում է ՌԽԶ տեղեկագրում։
