Պակիստանի ոստիկանության եւ երկրի նախկին վարչապետ Իմրան Խանի աջակիցների միջեւ երեքշաբթի բախումներ են տեղի ունեցել Արեւելյան Լահոր քաղաքում նրա տան դիմաց՝ նրա հնարավոր ձերբակալությունից առաջ, հայտնում են կառավարության ներկայացուցիչը եւ վկաները, հաղորդում է Reuters-ը: 

Խանի մի քանի հարյուր կողմնակիցներ հավաքվել են նրա տան դիմաց այն բանից հետո, երբ Իսլամաբադից ոստիկանության թիմ է ժամանել՝ դատարանի որոշմամբ նրան ձերբակալելու համար, Reuters-ին հայտնել է կառավարության ներկայացուցիչ Ամիր Միրը:  

Խանի «Պակիստան Թեհրիկ-ի-Ինսաֆ» կազմակերպության աշխատակիցները անկարգություններ են նախաձեռնել, որոնց հետեւանքով տուժել են ոստիկանության մի քանի աշխատակիցներ։ 

Նմանատիպ բախումներ են տեղի ունեցել նաեւ անցած շաբաթ։ 

Կառավարության ներկայացուցչի խոսքով՝ աշխատակիցները սկսել են քարեր ու աղյուս նետել ոստիկանության ուղղությամբ։ Ի պատասխան ոստիկանությունը ջրցան մեքենաներ է կիրառել։  

Իսլամաբադի դատարանն անցյալ տարի իր ելույթներից մեկում դատավորին սպառնալու մեղադրանքով Խանի դեմ գործով կալանավորման օրդեր է տվել։ 

Երկրի նախկին վարչապետը մի քանի դատական գործերում է հայտնվել անցյալ տարվա սկզբին իշխանությունից հեռանալուց ի վեր՝ խորհրդարանում վստահության քվեի արդյունքում: 

Նա պահանջել է արտահերթ ընտրություններ անցկացնել ամբողջ երկրում բողոքի ցույցերի ժամանակ, ինչը մերժել է նրա իրավահաջորդ Շեհբազ Շարիֆը՝ հայտարարելով, որ ընտրությունները տեղի կունենան նախատեսված ժամկետներում այս տարվա վերջին: 

Այդ հանրահավաքներից մեկում Խանը հրազենային վնասվածք է ստացել։