Ադրբեջանի նախագահ Իլհամ Ալիեւը Գերմանիայի կանցլեր Օլաֆ Շոլցի հետ մամուլի ասուլիսի ժամանակ խոստացել է ավելացնել դեպի Եվրոպա գազի մատակարարումների ծավալները։
«Մենք ավելացնում ենք գազի արտահանումը եվրոպական տարածք։ Եթե 2021 թվականին մենք Եվրոպա արտահանել ենք 8 միլիարդ խորանարդ մետր գազ, ապա այս տարի այդ թիվը կհասնի մոտ 12 միլիարդ խորանարդ մետրի»,-ասել է Ալիեւը։
Ընդգծելով, որ այդ ցուցանիշը կազմում է ադրբեջանական գազի ընդհանուր արտահանման կեսը, նա նշել է. «Առաջիկա տարիներին մենք կցանկանայինք ընդլայնել Եվրոպայում մեր արտահանման աշխարհագրությունը»։
