Ադրբեջանում շարունակվում են Հայաստանի հանդեպ տարածքային նկրտումներն օրինականացնելու փորձերը։
Ինչպես տեղեկացրել է APA-ն, պատմության ինստիտուտի բաժնի վարիչ Ջաբի Բահրամովը, որն, ի դեպ, պատմագիտության պրոֆեսոր է, հայտարարել է «արեւմտյան Ադրբեջանի պատմության ակադեմիական հրատարակման» պատրաստման մասին։ Նրա խոսքով՝ «նախատեսվում է նաեւ պատրաստել ատլաս՝ կազմված այդ տարածքի բազմաթիվ պատմա-աշխարհագրական քարտեզներից»։
Հիշեցնենք, որ «արեւմտյան Ադրբեջանը» ոչ այլ ինչ է, եթե ոչ ժամանակակից Հայաստանի ԱՄԲՈՂՋ տարածքը։ Պատմություն «ստեղծելով»՝ Ադրբեջանում կարծում են, որ դրանով իսկ կկարողանան «օրինականացնել» Հայաստանի տարածքի հանդեպ ունեցած նկրտումները, մանավանդ որ Ադրբեջանի Հանրապետության սահմանադրությունը եւ անկախության հռչակագիրը նման սողոսկումներ թույլատրում են։
