Գրիգորի Խաչատուրովն այն մարդն է, որ մի բանը մի անգամ է ասում, եւ դա պահպանվում է իր ողջ կյանքի ընթացքում: Այս մասին այսօր՝ մարտի 20-ին, մամուլի ասուլիսի ժամանակ նշեց փաստաբան Միհրան Պողոսյանը:
«Եթե ինքը երդում է տվել ծառայել Հայաստանին, ինքը ծառայելու է Հայաստանին, եթե ինքը պահանջում է Նիկոլ Փաշինյանի հրաժարականը եւ ասել, որ տանում են դեպի պետության կործանում, ժամանակը ցույց է տալիս, որ Գրիգորի Խաչատուրովը այդ բառերից չի հրաժարվում, այդ դիրքորոշման մեջ որեւէ փոփոխություն տեղի չի ունեցել: Այդ հայտարարությունն արվել է 2021-ին, իսկ այս քրեական գործը հարուցվել է 20221-ին, այդ հայտարարությունից հետո»,-ասաց նա՝ հավելելով, որ սա ուղղակիորեն Գրիգորի Խաչատուրովի նկատմամբ անձնական հետապնդման մասին է խոսում:
