2023թ. առաջին երկու ամսում Ադրբեջանը գազի արտահանումը 2022թ. հունվար-փետրվարի համեմատ ավելացրել է 13 տոկոսով՝ հասցնելով 4,3 մլրդ խորանարդ մետրի։ Եվրոպան ստացել է 1,9 մլրդ խորանարդ մետր գազ՝ բոլոր մատակարարումների 44 տոկոսը։

Միեւնույն ժամանակ, Թուրքիա գազի մատակարարումները կազմել են 1,7 մլրդ խորանարդ մետր՝ ամբողջ արտահանման 40 տոկոսը, Վրաստան՝ 0,7 մլրդ խորանարդ մետր՝ արտահանման 16 տոկոսը։ Ընդ որում՝ TANAP-ով, որը «Հարավային գազային միջանցքի» մասն է կազմում, հունվար-փետրվարին առաքվել է 0,9 մլրդ խորանարդ մետր գազ։

Հակառուսական պատժամիջոցների ֆոնին Ադրբեջանը 2022թ. 18 տոկոսով ավելացրել է գազի արտահանումը՝ հասցնելով 22,3 մլրդ խորանարդ մետրի, Եվրոպա մատակարարումները կազմել են 11,4 մլրդ խորանարդ մետր՝ ավելացումը 39 տոկոս։

Ադրբեջանի 2023թ. պլանները նախատեսում են ավելի քան 24 մլրդ խորանարդ մետր գազի մատակարարում, եվրոպական ուղղությամբ նախատեսված է այդ ծավալի մոտ կեսը։