Հորդանանի Ներկայացուցիչների պալատը (խորհրդարանը) քվեարկել է այն բանի օգտին, որպեսզի վտարվի Ամանում Իսրայելի դեսպանը, տեղեկացրել է Petra գործակալությունը։

Գործակալության տվյալներով՝ խորհրդարանականները թագավորության կառավարությանը խորհուրդ են տվել Հորդանանից արտաքսել Իսրայելի դեսպանին։ Այս որոշումն ընդունվել է Իսրայելի քարտեզի հետ կապված, որը հրեական պետության ֆինանսների նախարար, կառավարող կոալիցիայի մեջ մտնող «Կրոնական սիոնիզմ» կուսակցության առաջնորդ Բեցալել Սմոտրիչը դրել էր ամբիոնին իր ելույթի ժամանակ։ Այդ քարտեզում ներառված էին նաեւ Հորդանանյան Հաշիմյան թագավորության տարածքը եւ պաղեստինյան շրջանները։