Բրիտանացի արքայազն Ուիլյամը անսպասելիորեն ժամանել է Լեհաստան եւ հանդիպել Ուկրաինայի հետ սահմանի մոտ տեղակայված բրիտանացի զինվորների հետ՝ շնորհակալություն հայտնելով նրանց «մեր ազատությունները պաշտպանելու համար»։ Այս մասին հայտնում է Independent-ը։
Հրատարակության տվյալներով՝ հանդիպումը տեղի է ունեցել Ժեշուվ օդանավակայանի ռազմաօդային պաշտպանության բազայում, որը գտնվում է Ուկրաինայի սահմանից 70 կմ հեռավորության վրա։
«Ես որոշեցի անձամբ գալ այստեղ՝ շնորհակալություն հայտնելու ձեզ այն ամենի համար, ինչ դուք անում եք, որ պաշտպանում եք բոլորին այստեղ եւ հետեւում եք, թե ինչ է կատարվում։ Այնպես որ, շնորհակալություն ձեզ այն ամենի համար, ինչ անում եք ամեն օր», - մեջբերում է գործակալությունը արքայազնի խոսքը։
