Չեխիայի խորհրդարանում արգելվել է Չինաստանում մշակված TikTok բջջային հավելվածի օգտագործումը, հաղորդում է Չեխական ռադիոն։

Արգելքը սահմանվել է  խորհրդարանի ղեկավարության կողմից՝ Կիբեր եւ տեղեկատվական անվտանգության ազգային գրասենյակի հանձարարության հիման վրա։ Այն տարածվելու է պատգամավորների, նրանց օգնականների եւ բարձրագույն օրենսդիր մարմնի աշխատակիցների վրա։ Հավելվածը պետք է առաջին հերթին հեռացվի էլեկտրոնային սարքերից, որոնք օգտագործվում են նրանց կողմից ծառայողական պարտականությունների կատարման ժամանակ։