Նոր Զելանդիայի արտաքին գործերի նախարար Նանայա Մահուտան իր չինացի գործընկերոջ հետ հանդիպման ժամանակ Չինաստանին մտահոգություն է հայտնել «Ուկրաինայի դեմ պատերազմում Ռուսաստանին աջակցելու համար մահացու օգնության ցանկացած տրամադրման կապակցությամբ», հաղորդում է The Associated Press-ը:
Նոր Զելանդիայի ԱԳՆ մամուլի ծառայությունը մանրամասն նկարագրել է Մահուտայի հայտարարությունները Պեկինում:
Մահուտայի քառօրյա այցը, որը մեկնարկել է չորեքշաբթի օրը, Նոր Զելանդիայի արտաքին գործերի նախարարի առաջին այցն է Պեկին 2018 թվականից ի վեր:
Ինչ վերաբերում է Ուկրաինայում պատերազմին, Մահուտան կրկին հայտարարել է իր գործընկեր Ցին Գանին, որ իր կառավարությունը դատապարտում է Մոսկվայի «անօրինական ներխուժումը»:
Ինչպես հաղորդում է չինական Xinhua լրատվական գործակալությունը, Չինաստանի կոմկուսի Կենտկոմի արտաքին գործերի հանձնաժողովի գրասենյակի տնօրեն Վան Ին ուրբաթ օրը Պեկինում հանդիպել է այցով ՉԺՀ-ում գտնվող Նոր Զելանդիայի ԱԳ նախարարի հետ:
Կողմերը մտքեր են փոխանակել նաեւ Ուկրաինայի ճգնաժամի շուրջ։
Վան Ին նշել է, որ հրատապ խնդիր է հրադադարը եւ խաղաղ բանակցությունների վերսկսումը, ինչը նույնպես երկրների մեծամասնության ընդհանուր ձգտումն է եւ ծառայում է միջազգային հանրության ընդհանուր շահերին: Նա ընդգծել է, որ Չինաստանը կշարունակի կառուցողական դեր խաղալ քաղաքական կարգավորմանը նպաստելու գործում:
«Մենք Նոր Զելանդիան դիտարկում ենք որպես համագործակցության կարեւոր գործընկեր եւ լիովին վստահ ենք չին-նորզելանդական հարաբերությունների կայունության հարցում»,-ասել է նա՝ երկու երկրներին կոչ անելով ամրապնդել փոխադարձ վստահությունը եւ գործնական համագործակցությունը նոր մակարդակի հասցնել: