Մանհեթենի դատախազությունը պատրաստ է խարդախության մեղադրանքներ ներկայացնել ԱՄՆ նախկին նախագահ Դոնալդ Թրամփի դեմ, հայտնում է CNN-ը՝ հղում անելով աղբյուրներին։
«Նախկին նախագահ Դոնալդ Թրամփին գործարար ոլորտում խարդախության ավելի քան 30 դրվագով մեղադրանքներ են սպառնում, որոնք առկա են Մանհեթենի բարձրագույն ժյուրիի մեղադրական դատավճռում», -նշվում է հրապարակման մեջ։
Վկայի 30 րոպեանոց ելույթից հետո, որի ինքնությունը չի բացահայտվում, Մեծ ժյուրին քվեարկել է մեղադրանք առաջադրելու օգտին։
Դատախազներն արդեն կապ են հատատել Թրամփի իրավաբանների խմբի հետ՝ քաղաքական գործչի դատարան ներկայանալու եւ նրան մեղադրանքներ ներկայացնելու կապակցությամբ։ Նախկին նախագահի փաստաբան Սյուզեն Նեչելսը հաստատել է, որ նա երեքշաբթի կներկայանա։
