Եվրամիության անդամ պետություններն Ուկրաինային տարբեր օգնություն են ցուցաբերել 60 մլրդ եվրոն գերազանցող գումարի չափով: Այս մասին ուրբաթ հայտարարել է ԵՄ արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը El Español թերթի կազմակերպած միջոցառման ժամանակ:
«Ընդհանուր առմամբ, ԵՄ-ն պետք է Ուկրաինային մոտ 12-13 մլրդ եվրոյի ռազմական օգնություն ցուցաբերեր»,-ասել է նա։ «Եթե մենք գումարենք ռազմական, տնտեսական, ֆինանսական, հումանիտար օգնությունը, փախստականներին օգնությունը, ապա պատերազմի մեկ տարվա ընթացքում մենք Ուկրաինային օգնել ենք 60 մլրդ եվրոյից ավելի գումարով»,-ասել է Բորելը։
