Թուրքիայից Վրաստան են արտաքսել եւս չորս քաղաքացու: Թուրքական լրատվամիջոցների տեղեկություններով, վրացիները նստած են եղել սեղանի շուրջ, երբ նրանցից մեկը դուրս է եկել պատշգամբ եւ 16 կրակոց արձակել: Տունը գտնվել է ոստիկանատան հարեւանությամբ:

Ոստիկանության տվյալներով, ոչ ոք չի տուժել: Կրակոցներից հետո ոստիկանությունը շրջափակել է տունն ու ձերբակալել չորսին: Արդաշեն քաղաքում տեղի ունեցած միջադեպի պատճառով որոշում է կայացվել բոլորին արտաքսել Վրաստան: