Մայիսի 24-25-ին Մոսկվայում կկայանա Եվրասիական տնտեսական 2023թ. երկրորդ համաժողովը։ Միջոցառումը կանցկացվի «Եվրասիական ինտեգրումը բազմաբեւեռ աշխարհում» խորագրի ներքո:
Համաժողովի շրջանակներում տեղի կունենան 35 գործարար նիստ, որոնք բաժանված են յոթ թեմատիկ ուղղությունների՝ «Մարդկային կապիտալ», «Տեխնոլոգիաներ եւ համագործակցություն», «ԵԱՏՄ-ն փոփոխվող աշխարհում», «Եվրասիական կապակցվածություն», «ԵԱՏՄ ներքին շուկա, Մաքսային համագործակցություն, մրցակցություն եւ պետական գնումներ», «Ռազմավարական բլոկ» եւ «ԵԱՏՄ Գործարար խորհրդի բլոկ»։
Միջոցառման շրջանակներում քննարկվելիք թեմաներից գլխավորը կարելի է համարել ԵԱՏՄ-ի, ՇՀԿ-ի եւ ԲՐԻՔՍ-ի փոխգործակցության զարգացումը, ապագա «ԵԱՏՄ-2030+ ռազմավարությունը»։
Համաժողովի կենտրոնական եւ առանցքային միջոցառումը կլինի լիագումար նիստը՝ ԵԱՏՄ անդամ երկրների պետությունների ղեկավարների մասնակցությամբ: