Զինապարտները հինգշաբթի հավաքվել են Երուսաղեմում Իսրայելի վարչապետ Բենյամին Նեթանյահուի նստավայրի մոտ, որպեսզի իրենց վրդովմունքն արտահայտեն դատական բարեփոխումների, ինչպես նաեւ կառավարության քաղաքականության կապակցությամբ, որը, նրանց կարծիքով, քայքայում է ԱՄՆ-ի հետ հարաբերությունները, հաղորդում է The Times of Israel թերթը:

Զինապարտների կազմակերպության մի խումբ ցուցարարներ, որոնք հայտնի են որպես «զինակից եղբայրներ», ցույցի ժամանակ ծածանել են իսրայելական եւ ամերիկյան դրոշները, ինչպես նաեւ հայտարարել են, որ «Նեթանյահուն հեռանում է երկրի գլխավոր դաշնակիցից, այն դեպքում, երբ Իրանը՝ լինելով Իսրայելի ոխերիմ թշնամին, ձգտում է միջուկային զենք ստանալ»։

Թերթի տվյալներով՝ ցուցարարներից երկուսը ձերբակալվել են։