Վրաստանի նախկին վարչապետ Բիձինա Իվանիշվիլին Սինգապուրում Credit Suisse-ի դուստր ձեռնարկության դեմ դատ է շահել։ Շվեյցարական բանկի կառուցվածքին պարտավորեցրել են նրան փոխհատուցում վճարել, որը կարող է կազմել հարյուր միլիոնավոր դոլարներ, հայտնում է Forbes-ը։
Դատարանը պարտավորեցրել է փոխհատուցում վճարել Վրաստանի ամենահարուստ միլիարդատիրոջը՝ ընդունելով, որ Credit Suisse Trust-ը խախտել է հայցվորների հանդեպ իր պարտավորությունները և չի պաշտպանել տրաստի ակտիվները։
Դատարանը Իվանիշվիլիի վնասը գնահատել է 926 մլն դոլար, սակայն այս գումարը կրճատել է 79,43 մլն դոլարով՝ նշելով, որ դա նախատեսված է կողմերի միջեւ կնքված համաձայնագրով։
2023 թվականի փետրվարին Credit Suisse-ը հայտնել էր, որ Իվանիշվիլիին վճարել է 210 միլիոն դոլար՝ «հայցվորի բոլոր հաշիվների վերաբերյալ վարույթի շրջանակներում»։
Credit Suisse Trust-ը մտադիր է բողոքարկել դատարանի որոշումը, Bloomberg-ին հայտնել է շվեյցարական բանկի ներկայացուցիչը։