Նոր Զելանդիայի պիցցայանոցների ցանցը հաճախորդներին առաջարկում է անսովոր առաջարկ՝ գնիր հիմա, վճարիր, երբ մահանաս, հայտնում է UPI-ն։
Hell Pizza-ն հայտարարել է, որ «After Life Pay» ակցիան ոգեշնչված է նորզելանդական մի քանի ընկերությունների կողմից ընդունված «գնիր հիմա, վճարիր ավելի ուշ» սխեմաներից:
«Մենք տեսնում ենք գնալով ավելի շատ մարդիկ են օգտագործում այդ սխեմաները՝ առաջին անհրաժեշտության ապրանքներ գնելիս, ինչպիսիք են սննդամթերքները: Մեր նման արագ սննդի ռեստորաններն առաջարկում են «գնիր հիմա, վճարիր ավելի ուշ», ինչը համարվում է հյուրասիրություն, հատկապես, երբ հաշվի ենք առնում, որ մարդիկ հետ են մնում սպառման մեջ։ Նոր Զելանդիայում նրանց վճարումները վարկերի 10,5%-ը ժամկետանց են»,- ասել է Hell Pizza-ի գործադիր տնօրեն Բեն Քամինգը ընկերության կայքում։
Պիցցերիան հայտարարել է, որ 666 հաճախորդ Նոր Զելանդիայում և 666 հաճախորդ Ավստրալիայում կընտրվեն After Life Pay ծրագրին մասնակցելու համար, որը կհետաձգի պիցցայի համար վճարումներն այնքան ժամանակ, մինչև հաճախորդը լքի այս մահկանացու աշխարհը:
«Ընտրվածներից կխնդրեն փոփոխություն կատարել իրենց կտակում, որը թույլ կտա իրենց պիցցայի արժեքը փոխհատուցել մահից հետո: Տոկոսներ կամ այլ վճարներ չեն գանձվի, և պայմանագիրը իրավաբանորեն պարտադիր է»,- նշվում է կայքում։
Հետաքրքրված հաճախորդները կարող են դիմել ծրագրին Hell Pizza կայքում: