Եվս մեկ ՀՕՊ Ս-400 համակարգ է բերվել Բելառուս, տեղեկացնում է «Ինտերֆաքսը»՝ հղում անելով հանրապետության պաշտպանության նախարարությանը։
«Հերթական Ս-400 զենիթահրթիռային համակարգն է բերվել Բելառուսի Հանրապետություն։ Մոտ ժամանակներս այն մարտական հերթապահության կդրվի»,- ասվում է հաղորդման մեջ։
2022 թվականի դեկտեմբերի 19-ին Բելառուսի նախագահ Ալեքսանդր Լուկաշենկոն հայտարարել էր, որ Մոսկվան Մինսկին Ս-400 «Տրիումֆ» հեռահար ՀՕՊ համակարգ և «Իսկանդեր» օպերատիվ տակտիկական հրթիռային համակարգ է տրամադրել։
