Թուրքիայի նախագահի թեկնածու Ռեջեփ Թայիփ Էրդողանը ընտրությունների երկրորդ փուլի արդյունքները հրապարակվելուց հետո Ստամբուլում ելույթով է հանդես եկել։
Թուրքական Milliyet–ի փոխանցմամբ՝ Թուրքիայի նախագահն իր խոսքում նշել է, թե երկրորդ փուլում հաղթել է ամբողջ Թուրքիան, ոչ թե մեկ անձ։ Նա բոլորին շնորհավորել է ժողովրդավարական հաղթանակի առթիվ՝ շեշտելով, որ քվեարկության մասնակիցներն իրենց երեխաների համար են քվեարկել։
Էրդողանը շնորհակալություն է հայտնել իրեն ձայն տվողներին՝ շեշտելով, որ պարտավորվածություն է այնպես անել, որ արդարացնի բոլորի սպասելիքները։
Նշենք, որ Էրդողանը երկրորդ փուլում ընտրվեց նախագահ՝ 52 տոկոս ձայներով։