Վրաստանի նախկին նախագահ Միխայիլ Սաակաշվիլին, որը բանտարկված է, Ռուսաստանի փլուզում է կանխատեսել «Ֆորմուլա» ընդդիմադիր հեռուստաալիքի «Դրոեբա» ծրագրի գրավոր հարցազրույցում։
«Ուկրաինան անպայման կհասնի բեկման ճակատում։ Արեւմուտքը որոշել է վերջ տալ Պուտինի վարչակարգին, Ռուսաստանը կսկսի փլուզվել պարզ բազմապատկիչների, առաջին հերթին դա կսկսվի Հյուսիսային Կովկասից...
Բոլորը, ովքեր այժմ կուրացած են Ռուսաստանի սեւ փողերով կամ քաղաքական նպատակներով, ովքեր հույս ունեն պուտինյան Ռուսաստանի հետ կապված, շատ լուրջ սխալվում են եւ արդյունքում լիակատար պարտության կմատնվեն»,- ասել է Սաակաշվիլին։
Նա նաեւ գրել է, որ Ռուսաստանի փլուզումը Վրաստանին Աբխազիան վերադարձնելու շանս կտա։ Մյուս կողմից՝ գործընթացները Հյուսիսային Կովկասում կարող են «լեկիանոբայի» վտանգ պարունակել, այդպես են կոչվել լեռնականների արշավանքներն անցյալ դարերում։
«Միակ փրկությունը Եվրամիությունն ու Ուկրաինան են»,- գրել է Սաակաշվիլին։
Նրա կարծիքով՝ ապագայում Վրաստանը պետք է պատրաստվի Ուկրաինայի հետ ընդհանուր սահմանին «ինչ-որ տեղ Սոչիում»,- տեղեկացրել է «Новости-Грузия»-ն։
