ՀՀ երրորդ նախագահ Սերժ Սարգսյանի թիկնազորի նախկին պետ Վաչագան Ղազարյանը մեղադրվում է փողերի լվացման մեջ: Այս մասին NEWS.am-ի հետ զրույցում ասաց նրա փաստաբան Մհեր Հակոբյանը:
Նա նշեց, որ Վաչագան Ղազարյանն իրեն առաջադրված մեղադրանքը չի ընդունում:
Մհեր Հակոբյանն ասաց, որ դատարանի կողմից նրան կալանավորելու հիմքը գործի քննությանը խոչընդոտելու ռիսկն է: Փաստաբանները համաձայն չեն դատարանի որոշմանը, եւ պատրաստվում են բողոքարկել այն:
Ավելի վաղ հայտնել էինք, որ Վաչագան Ղազարյանին Հակակոռուպցիոն դատարանը կալանավորելու մասին որոշում է կայացրել:
