Դոնի Ռոստովում, Գրեբնոյ ջրանցքի տրիբունայի քանդվելու հետեւանքով տուժածների թիվը հասել է 36-ի, լրագրողներին տեղեկացրել է շրջանի ղեկավար Վասիլի Գոլուբեւը, հաղորդել է ՏԱՍՍ-ը։
«Այժմ, այն բանից հետո, երբ (դա) տեղի է ունեցել, տարբեր տեղերում, այդ թվում Բատայսկում (բժիշկներին) դիմողներ են եղել։ Մոտ 36 հոգի... Տղայի (առողջական վիճակը), որը ծանր վիճակում է, ինչպես ինձ տեղեկացրել են այսօր առավոտյան, կայունացել է։ Հասկանալի է, որ բժիշկները շարունակում են զբաղվել բուժմամբ։ Դա նաեւ վերաբերում է մնացած բոլոր (տուժածներին)»,- ասել է Գոլուբեւը։
Թիվ 20 քաղաքային հիվանդանոցի, ուր տեղափոխվել են տուժած երեխաները, հերթապահը ՏԱՍՍ-ին տեղեկացրել է, որ նրանց վիճակը բարելավվում է։
Ավելի վաղ տեղեկացվել էր 26 տուժածի մասին, որոնցից 15-ը՝ երեխա։ Մի կին մահացել է։