Մեքսիկայի նախագահ Անդրես Մանուել Լոպես Օբրադորը հայտարարել է, որ կաջակցի երկրի ամենահզոր և դաժան մի քանի կարտելների հետ համաձայնությանը՝ դադարեցնելու արյունահեղությունը, որը պատել է երկիրը, հաղորդում է The Guardian-ը։
Լոպես Օբրադորի մեկնաբանությունը հնչել է այն բանից հետո, երբ անհետացած եղբորը փնտրող ակտիվիստը բաց նամակ է հրապարակել՝ ուղղված 10 կազմակերպված հանցավոր խմբերին՝ կոչ անելով դադարեցնել բռնի անհետացման պրակտիկան, երբ մարդուն ոչ միայն սպանում են, այլ ամբողջությամբ ոչնչացնում են, նրա մարմինը թթվի մեջ լուծարելով կամ մինչև մոխիր դառնալը վառելով։