Ադրբեջանում գրանցվել է հերթական աներեւակայելի հանցագործությունը. հանցագործները դիակները հանել են գերեզմաններից եւ գողացել նրանց ոսկե ատամնաշապիկները։

ԶԼՄ-ների տեղեկացմամբ՝ Սալյանսկի շրջանի ոստիկանության բաժնում տեղեկություն է ստացվել անհայտ անձանց կողմից երկու գերեզման քանդելու (որոնք գտնվել են Արբատան եւ Քյուրգարագաղլի գյուղերի տարածքում) եւ դիակների ոսկե ատամները գողանալու մասին։ Կասկածյալները Ափշերոնի շրջանի բնակիչներ Աբաս Աբասովը, Հայալ Մուսթաֆաեւը եւ Ռասուլ Էլյասովն էին։

Նախնական հարցաքննության ժամանակ երեքն էլ խոստովանել են իրենց արարքը։ Պարզվել է, որ Աբասովը, Մուսթաֆաեւը եւ Էլյասովը, մայիսի 7-ի առավոտյան գալով Արբատան գյուղի գերեզմանատուն, քանդել են վերջինի մորաքրոջ գերեզմանը եւ գողացել նրա 2 ոսկե ատամը։ Իսկ գիշերը նրանք գնացել են Քյուրգարագաշլի գյուղի գերեզմանոց, քանդել եւս մեկ գերեզման եւ գողացել մահացածի 4 ոսկե ատամները։ Ատամները վաճառել են, փողը՝ կիսել։ Կալանավորման պահին Աբասովի եւ Էլյասովի մոտ հերոին է հայտնաբերվել։