Ղրղըզստանի հատուկ ծառայությունները ձերբակալել են պետական հեղաշրջման փորձի մեջ կասկածվող մի շարք անձանց, հաղորդում է kaktus.media-ն։

«Ազգային անվտանգության պետական կոմիտեն զանգվածային ձերբակալություններ է իրականացնում ենթադրյալ պետական հեղաշրջման մասնակիցների նկատմամբ»,-հայտնել է գործակալությունը՝ վկայակոչելով սեփական աղբյուրները։

Ձերբակալությունների տեսանյութը տարածվել է սոցցանցերում։ Դատելով կադրերից՝ իրավապահ մարմինների զինված աշխատակիցները ձերբակալություններ են իրականացնում Բիշքեկի մասնավոր հատվածում։ Թե կոնկրետ ում են ձերբակալել ուժայինները, ԶԼՄ-ները չեն հայտնում։