Ռուսաստանն Ուկրաինայի դեմ իր ագրեսիան նոր մակարդակի է հասցրել՝ փլուզելով Ուկրաինայի հարավում գտնվող Կախովկայի ՀԷԿ-ի ամբարտակը։ Այս մասին հայտարարել է ԵՄ դիվանագիտության ղեկավար Ժոզեպ Բորելը:
«Ուկրաինայի քաղաքացիական կրիտիկական ենթակառուցվածքների դեմ Ռուսաստանի հարձակումներն այսօր հասել են աննախադեպ մակարդակի՝ Կախովկայի ՀԷԿ-ի ամբարտակի փլուզմամբ»,-ասել է նա։ «ԵՄ-ն դատապարտում է այս հարձակումը ամենավճռական ձեւով: Այն իրենից ներկայացնում է ռուսական վայրագությունների նոր հարթություն եւ միջազգային իրավունքի, մասնավորապես ՝ միջազգային մարդասիրական իրավունքի խախտում»,-հավելել է Բորելը։
Հունիսի 6-ի առավոտյան հայտնի է դարձել, որ Կախովկայի ՀԷԿ-ի վերին մասը ավերվել է անցած գիշեր տեղի ունեցած գնդակոծությունների արդյունքում, ջրամբարի ամբարտակը չի փլուզվել։ Ուկրաինական զորքերի հարվածը ՀԷԿ-ին, ենթադրաբար, հասցվել է «Օլխա» ՀԿՌՀ-ից։ Ընթանում է ջրի չկարգավորված արտահոսք։ Ափամերձ մի շարք բնակավայրերում սկսվել է բնակչության տարհանում։ Նովոկախովսկի քաղաքային օկրուգի վարչակազմի ղեկավար Վլադիմիր Լեոնտեւը հարձակման համար պատասխանատու է համարում Կիեւին։
